STEM əsaslı kurikulumların ümumi təhsil müəssisələrində tətbiqini təşviq edən təşəbbüs – Şuranın dəstəyi ilə yeni sayt yaradılır

STEM əsaslı kurikulumların ümumi təhsil müəssisələrində tətbiqini təşviq edən təşəbbüs – Şuranın dəstəyi ilə yeni sayt yaradılır

Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının dəstəyi ilə “İnnovasiyaya Doğru” Gənclərə Dəstək İctimai Birliyi “STEM əsaslı kurikulumlarla bağlı təhsil müəssisələrində tədbirlərin təşkili” adlı layihəsini hətaya keçiririr.

 

Qeyd edək ki, layihə Şuranın Təhsil Nazirliyi ilə birgə keçirildiyi müsabiqənin qalibi olub.

 

Təşkilatın sədri Rəşad Cəfərov TED.az-a layihənin ictimai əhəmiyyəti və aktuallığı barədə danışarkən bildirib ki, qloballaşan IT sferası təhsil sahəsindən yan keçməməlidir: “Məlumdur ki, qloballaşan dünyamız texnologiya əsrinə qədəm qoyub. Artıq qabaqcıl dünya ölkələri texnologiyanın inkişafı fonunda öz elmi potensialını və onun rəqabətlilik qabiliyyətini artırmağı əsas hədəf kimi götürüb. Bütün bu proseslər təhsil sisteminin modernizə olunmasını vacib edir. Bu məqsədlə dünya ölkələrinin təhsil ekspertləri bir-birinin təhsil sistemlərini araşdırırlar. Aparılan bu araşdırmalar nəticəsində qabaqcıl dünya dövlətlərinin təhsil modelləri digər ölkələrdə də tətbiq olunmağa başlayır. Azərbaycanın təhsil sistemi də dünya ölkələrinin təhsil sistemində atılan mütərəqqi addımlardan kənarda qalmır, əksinə, həmin addımların ağırlıq mərkəzində olmağa can atır. Belə bir dərs modeli kimi dünyanın populyar təhsil modeli – STEM dərs modelini qeyd edə bilərik. Bu model bir çox ölkələrin təhsil sistemlərində çox uğurla tətbiq olunur. STEM dərs modelinin təbliği, zəngin dərs materialları nümunələrinin olması üçün hər kəsin geniş şəkildə istifadə etdiyi internet üzərindən mərkəzləşdirilmiş şəkildə bir platformanın yaradılmasına ehtiyac var idi. Bu layihə qeyd olunan məsələnin qismən də olsa həllinə dəstək olmaq üçündür.” 

 

Məlumat üçün bildirək ki, layihənin əsas məqsədi və qarşıya qoyulan vəzifələri ümumtəhsil məktəblərində STEM dərs modelinin təbliğinə və tətbiqinə dəstək olmaq, təcrübələrini bölüşmək istəyən müəllimlərə, STEM əsaslı dərs modelini öyrənmək istəyən müəllimlərə imkan yaratmaq, STEM dərs modeli əsasında nümunələrinin yer alacağı bir internet platforması yaratmaqdır.

 

Layihə çərçivəsində internet resurs – sayt tamamlanmaq üzrədir. Saytda xəbərlər, “blog”lar,  bu metodla dərs tədris edən müəllimlər və onlarla əlaqə vasitələrini özündə cəmləşdirən bölmələr, dərs nümunələri yer alacaq.

 

Sayt yaxın zamanlarda istifadəçilər üçün aktiv olacaq. STEM təhsilini tədris etməkdə maraqlı olan hər kəs bu platformadan yararlana biləcək.

Google+ Linkedin

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*