- Cəmalə xanım, necə oldu ki, bu sahəyə gəldiniz?

- Maraqlı sualdır (gülür). Mən özümü bildim biləli hər zaman araşdıran,çox sual verən və öyrənməyə çox açıq olan bir insan olmuşam. Və bu suallardan ən güclü olanları, ağlımdan çıxmayan , gecə-gündüz düşündüyüm ‘’Mən kiməm? ‘’, ‘’Bu dünyaya niyə gəlmişəm? ‘’ ‘’ Yaşamağın mənası nədir? ’’ ‘’Qismət deyilən şey varmı?’’ və.s kimi suallarla birgə həyatım çox qarmaqarışıq bir hal aldı. Elə bir nöqtəyə çatdımki artıq hər şey mənasız hətta yaşamağın belə gərək olmadığına qərar verərək canımdan vaz keçməyə qədər getdim. Təbbiki ilahi sistem buna icazə vermədi. Mənim bir missiyam var idi. Onu tamamlamamış bu dünyadan gedə bilməzdim. O missiyamı tapmaq üçün terapiya almaq qərarına gəldim. Çox şükür o andan etibarən bu sahə mənim Ruhumun əsl eşqinə çevrildi. O gün bu gündür həm özümü tapdım həm də insanların Öz -lərini tapmalarına vasitəçi oldum. Olmağada davam edirəm.

- Neçə müddətdir ki, bu sahədəsiniz?

- Ruhumun bu sahəni illərdir tanımağına baxmayaraq artıq dörd ildir ki, bu sahədə fəaliyyət göstərirəm.

- Son zamanlarda sizə daha çox nə ilə bağlı müraciət olur?

- Son zamanlar müraciətlər aşırı təlaş ,sıxılma, depressif hallar ilə çox qarşılaşıram. Pasiyenlər həyatdan zövq ala bilmədiklərindən şikayətlənirlər.Terapiya zamanı yaşadıqları sıxıntıların səbəblərini biləndə çiyinlərindəki yüklərdən azad olduqlarını hiss edirəm.

- Bir mütəxəssis olaraq nəyə "yox" deyirsiniz?

- Kainatda hər bir şeyin var olduğunu bildiyimiz təqdirdə, bu sahədə olan mütəxəssis, heç bir şeyə "yox" deməməlidir.

- Xarakter olaraq necə birisiniz?

- Səmimi, ünsiyyətcil və sevgi enerjisi yayan biri.

- Oxuculara nə məsləhət görürsünüz?

- Məsləhət görürəm ki, fiziki və maddi yönlərinə qida verdikləri qədər Ruhlarınında qidasını ön plana gətirsinlər. Mənəviyyatlarını inkişaf etdirərək Ruh və Zehin əlaqələrini balansa gətirsinlər. Yalnız bu zaman həqiqi xoşbəxtlik gəlir və yaşamaqdan zövq almağa başlayırsan.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Mən bu işi seçərkən ağlıma gəlməzdi ki, Hər şeyin Yaradıcısı minlərlə insanın həyatlarına işıq olmağa məni vasitəçi edər.

Əlaqə nömrəsi: (050) 658 14 17