Gözdən əlilliyi olanlara verilən Prezident təqaüdünün aylıq məbləği 300 manat olub
Tarix: 13-01-2023, 11:19 |
Ümumi səbəblərdən orqanizmin funksiyalarının 81–100 faiz pozulmasına görə gözdən əlilliyi müəyyən edilmiş şəxslərə verilən Azərbaycan Respublikası Prezidentinin təqaüdünün aylıq məbləği 2023-cü il yanvarın 1-dən 300 (üç yüz) manat müəyyən edilib.
Prezident İlham Əliyev bununla bağlı müvafiq fərman imzalayıb.
Qeyd edək ki, bundan əvvəl ümumi səbəblərdən orqanizmin funksiyalarının 81-100 faiz pozulmasına görə gözdən əlilliyi müəyyən edilmiş şəxslərə Azərbaycan Respublikası Prezidentinin təqaüdü aylıq məbləği 210 manat müəyyən olunmuşdu.