Məşqçi Sabina Zeynalova: "Tam istədiyimiz kimi sağlam həyatımıza davam edə bilərik"
Ramazan ayında çox adam seçim arasında qalır. Oruc tutum, yoxsa idmana davam edim. Düzdür, oruc tutmaq hər bir müsəlmanın borcudur, bundan əlavə, orucun da insana çox xeyiri olur. İnsanlar Ramazan ayının şərtlərinə düzgün qaydada yanaşsalar, o zaman həmi orucunu, həmi idmanını tam sağlam şəklində davam etdirə bilərlər.
İlk növbədə qida ilə bağlı bir neçə məsləhət vermək istəyərdim:
1. İmsak yeməyi mütləqdir, süfrədə daha uzun zaman tox qalmaq üçün proteyinli yeməklər olmalıdır ( yumurta, az duzlu pendir, az yağlı kəsmik), tərəvəzə da önəm verməliyik- pomidor, xiyar, zeytun, göy göyərti da məsləhətdir. Çünki lifli qidalar qandakı şəkəri tənzimləyir. İftardan imsaka qədər 10-12 stəkan su içmək vacibdir, bu da orqanizmin su balansını stabil saxlayır və qəbzlik kimi problemlərdən qoruyur. İftari, təbii ki, su və xurma ilə açdıqdan sonra şorba içmək məsləhətdir, yarım saat sonra əsas yeməklərə keçmək daha düzgundur. Təbii ki, burda da zülalla zəngin qidalar çox olmalıdır: ət, toyuq, balıq, mərci, noxud və s. Qızartmadan yenə də bacardığımız qədər uzaq olmalıyıq. Yeməklərin zeytun yağında bişirilməsi məsləhətdir.
İdmana gəldikdə, fiziki yükü tam azaldırıq, kardio yükü çox yaxşı olar ki, iftardan sonra 1 saat, 1 saat yarım yürüş edərsiniz. Gün ərzində isə pilates- stretchinqle məşqul olasınız. Bu idman növləri adamı yormur, susuzluq gətirmir və bədəni tonusda saxlayır, əzələnib boşalmasına yol vermir. Nəticədə, biz tam istədiyimiz kimi sağlam həyatımıza davam edə bilərik.
Əlaqə nömrəsi: (055) 366 78 15