Access Bars tətbiqçisi, bioenerji terapiyası üzrə mütəxəssis Sevinc Mirzəyeva bioenerji haqqında danışdı
Bioenerji nədir?
İlk öncə hər kəsi salamlayıram və Yaradandan hər kəs üçün sağlıqlı və firavan həyat diləyirəm.
Bu günkü mövzumuz "Bioenerji" dir.
Son zamanlar enerji mövzusu aktualdır, və bu barədə kifayət qədər çox məlumat var. Mən isə sizinlə öz bildiklərimi paylaşmaq istəyirəm.
Ən əvvəl qeyd edim ki, bizi əhatə edən hər şey enerjidir, biz özümüz də enerjiyik. Və bu enerji durmadan hərəkət halında, mübadilədədir. Bu, var oluşun qanunudur. Kainat hər zaman hərəkətdədir, hərəkətsizlik sükunətdir, bu isə son deməkdir.
İndi isə Bioenerji haqqında.
Bioenergetika (həyat və fəaliyyət) - insan orqanizmində və ondan kənarda olan enerji axınlarını öyrənən, qeyri ənənəvi tibbin bölməsidir. Həm də, şəfaçının öz enerjisi ilə pasiyentin bioenerjisini tarazlaşdırıb xəstəlikləri müalicə edən praktikadır. Əlbəttə ki, səhhətində problem olan kəs, özünü müalicə ilə məşğul olub, öz enerji axınlarını tənzimləyərək vəziyyətini yaxşılaşdıra bilər. Lakin burda müəyyən bilik və bacarıqlar tələb olunur və mütləqdir.
Çində, Yaponiyada bu ənənəvi müalicə üsulu kimi istifadə olunur. Qərb ölkələrində bu elm "enerji təbabəti" kimi tanınır. Son zamanlar isə artıq postsovet ölkələrində də tanınmağa və tətbiq olunmağa başlamışdır və "alternativ tibb" kimi qəbul edilir.
Bu bölümün əsasını Z. Freydin tələbəsi olan doktor V. Reyxin qoyduğu hesab olunur. Amma dərinə getdikdə bu biliklərin hələ keçmiş zamanlarda var olduğunu görürük. Teoriya, insanın ruhunun və cisminin birbaşa qarşılıqlı əlaqədə olduğuna əsaslanır. Buna görə də insanın emosional vəziyyəti, fiziki səhhətindəmözbəksini tapır və əksinə. Hesab olunur ki, enerji müəyyən kanallarla hərəkət edərək, informativ bədən və ruh mübadiləsi həyata keçirir. Bu informasiyanı tanıyıb onu anlamağı öyrənərək, bəzi çalışmalara bioenerji balansını bərpa etmək mümkündür. Elə şəfalanma da bu cür baş verir.
İnsan enerji əksikliyi zamanı və ya enerjisini gücləndirmək üçün, həm öz həm də ətraf mühitin enerji sistemindən faydalana bilər. Bəs bu enerji hardan alınır?
Müəyyən qədəri bizə irsən ötürülür - bu insanın gücü, təməlidir.
Digər hissəsi, oksigen yanmadı zamanı əmələ gəlir. Bu səbəbdən düzgün nəfəs çox vacibdir.
Qidanın həzmi zamanıda bir qism enerji alıqır. Ona görə sağlam qidalanma önəmlidir.
Növbəti enerji mənbəyimiz sudur. Su daha çox enerji verir. Həmdə yalnız içərkən deyil, su ilə hər təmasda.
Ən böyük mənbə isə - günəşdir. Oksidləşmə prosesləri nəticəsində günəş enerjisi bədəndə istilik enerjisinə çevrilir.
Mövcud olan enerjinin tam həcmi nəqliyyat sistemi olan meridianlar vasitəsilə paylanır.
Müalicə necə aparılır?
Xəstəliklərin yaranmasına səbəb ya enerji əksikliyi, ya enerji artıqlığı, ya da axının əyrilməsidir. Keçmiş zamanlardan xəstəliklərin əl ilə müalicəsi məlumdur. Bunu enerjisi güclü insanlar edə bilir. Təcrübəli şəfaçının məsafədən biosahəni təyin və problemi aşkar edə bilir. Bu zaman şəfaçı, pasiyentin "incə səviyyəsindən" aldığı hissiyatını rəhbər tutur. Müalicə əsnasında şəfaçı öz enerjisinin bir hissəsini ötürür, bu zaman onun enerjisi azalır, xəstədə isə artır. Və xəstənin orqanizmi potologiya ilə mübarizə aparmaq üçün daxili güc əldə edir. Şəfaçı isə öz enerjisini ətraf mühitdən bərpa edir.
Bioenergetika - insana özünü tanımağı, özünü dərki, şərtsiz sevgini, fərqindəliyi, xeyirxahlığı öyrədir, vücudun və ruhun etdiyi xəbərdarlıqlarını duymağı öyrədir, müsbət dəyişikliklər edərək həyat keyfiyyətini yaxşılaşdırmağa yardımçı olur.
Ruhumuzun, ağlımızın və bədənimizin ilahi vəhdətdə olması diləyi ilə...
Əlaqə nömrəsi: (050) 301 50 04