Klinik psixoloq Aminə Hüseyn: "İnsanların həyatına bu qədər toxuna biləcəyimi təsəvvür etmirdim"
- Aminə xanım, necə oldu ki, bu sahəyə gəldiniz?
- Mən bu sahəni sevərək gəlmişəm. Uşaq vaxtlarımdan, hətta deyim ki, birinci sinifdən həkim olmaq istəmişəm. Həkim olmaq mənim ən böyük və əlçatmaz arzularımdan biri olub. Niyə həkim olmaq istəmişəm sualını özümə verəndə artıq düşüncələrimi analiz etməyi və nə istədiyimi bilirdim. Çünki mən insanlara yardım etmək, onların cismlərini sağaltmaq istəyirdim. Amma yaşım artdıqca, təfəkkürüm inkişaf etdikcə, eyni istiqamətdə davam edib, amma başlanğıc nöqtəmin insanların ruhundan başlamalı olduğunu anlamışdım. Ən önəmli faktor ilkin olaraq insanın ruhunun sağlamlığında onsuz da davamiyyət olaraq cisimdə sağlamlığa doğru gedəcək. Bu səbəbdən psixoloq olmaq qərarına gəlmişəm. Ona görə də bu sahəni seçmişəm. Yaxşı ki, psixoloq olmuşam. İşimi çox sevirəm.
- Neçə ildir ki, bu sahədəsiniz?
- Artıq beş ilə yaxındır ki, bu sahədə fəaliyyət göstərirəm.
- Öz sahəniz üzrə hansı işləri icra edirsiniz?
- Mən inkişaf problemi yaşayan uşaqlar, ailə və cütlülk, eyni zamanda yeniyetmə və yetkinlərlə çoxsaylı terapiyalar ilə işləyirəm. Bundan başqa, öz təhsilimi davam etdirib, üzərimdə çalışıram. Fərqli kurs və seminarlarda iştirak edirəm. Mənə görə, elm öyrənmək üçün heç vaxt gec deyil.
- Son zamanlarda sizə daha çox nə ilə bağlı müraciətlər olur?
- Uaqlarda daha çox inkişaf ləngiməsi, autizm spektr pozuntusu, qorxular, utancaqlıq yeniyetməlikdə depressiya, münasibətdəki problemlər, yetkin yaş dövründə ailədaxili problemlər, OKP, panik atak, boşanma və s. məsələlər ilə bağlı müraciətlər daha çox olur.
- Bir psixoloq olaraq nəyə "yox" deyirsiniz?
- Canlı olan hər şeyə fiziki və psixoloji şiddətə "yox" deyirəm.
- Xarakter olaraq necə birisiniz?
- İşimdə səbrli, dinləməyi, düzgün təhlil etməyi, empatiya qurmağı və qərəzsiz nəticə çıxarmağı bacaran biriyəm.
- Ailəlisinizmi?
- Bəli, ailəliyəm. İki oğlum var.
- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.
- İnsanların həyatına bu qədər toxuna biləcəyimi təsəvvür etmirdim. Çox şükür ki, uşaqlıq arzumu artıq həyata keçirdib, onu real olaraq yaşayıram.
Əlaqə nömrəsi: (099) 318 13 03
Instagram: Psychologist_amina_huseyn