Həkim-kosmetoloq Arzu Məmmədova: "Yaranan problemlərə vaxtında müdaxilə olunmalıdır"
- Arzu xanım, necə oldu ki, bu sahəyə gəldiniz?
- Həm özümün, həm də ailəmin istəyi olub ki, mən həkim olum. Erkən yaşlarımdan gözəllik aşiqi olmuşam. Ona görə də, universiteti bitirdikdən sonra keçdiyim ilk kurs kosmetologiya kursu oldu. Onda 90-cı illərin axırları idi. Kosmetologiya o qədər də inkişaf etməmişdi. Sonra marketinq sahəsinə getdim. On yeddi il orada çalışdıqdan sonra yenidən estetik sferaya qayıtdım. Onda artıq kosmetologiya çox inkişaf etmişdi. Beləliklə, bu sahəyə gəldim.
- Neçə ildir ki, bu sahədəsiniz?
- Artıq altı ildir ki, bu sahədə fəaliyyət göstərirəm.
- Öz sahəniz üzrə hansı prosedurları icra edirsiniz?
- Təkcə üz massajları etmirəm. Qalan bütün prosedurlar icra edirəm. Əsasən ineksiyon və aparat kosmetologiya ilə məşğulam. Onu da qeyd edim ki, dünyaca iki məşhur brendin Azərbaycandakı rəsmi təlimçisiyəm.
- Son zamanlarda xanımlar sizə daha çox nə ilə bağlı müraciətlər edir?
- Daha çox üz ləkələri ilə bağlı müraciətlər olur. Daha sonra isə yaşlanmağın qarşısını almaq üçün müəyyən prosedurlarla bağlı istəklər olur.
- Bir kosmetoloq olaraq nəyə "yox" deyirsiniz?
- Bəzi məhsul təmsilçiləri gəlib ucuz məhsullarını bizə təqdim etməyə çalışırlar. Mən onlara "yox" deyirəm. Çünki brend və keyfiyyətli məhsullardan istifadə etməyə üstünlük verirəm.
- Xarakter olaraq necə birisiniz?
- Xarakter olaraq çalışqan, hədəfinə doğru inamla addımlayan, ünsiyyətcil və lazım gəldikdə ciddi, gördüyü işi sevən biriyəm.
- Ailəlisinzimi?
- Bəli, ailəliyəm. İki övladım var.
- Bu sahədə görmək istədiyiniz, amma görə bilmədiyiniz məqamlar hansılardır?
- Kosmetologiya artıq həkimliyə çox yaxınlaşıb. Amma təəssüflər olsun ki, hər yerindən qalxan kosmetologiya ilə məşğul olur. Anatomiyanı bilməyənlərin bu işlə məşğul olmağı məni çox narahat edir. Hər bir insan öz işinin əhli olmalıdır.
- Xanımlara nə məsləhət görürsünüz?
- Əgər bir xanım əlli yaşa qədər heç bir kosmetoloji prosedur etməyibsə, onun ev şəraitində nə isə etməyi düzgün deyil. Ümumiyyətlə, hər bir xanım kosmetoloji prosedurları vaxtında icra etməlidir. Yaranan problemlərə vaxtında müdaxilə olunmalıdır. Çünki vaxtında olunan müdaxilə gələcəkdə yarana biləcək fəsadların qarşısının alınması deməkdir.
- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.
- Ağlıma gəlməzdi ki, mən bu işin dərinliklərinə bu qədər vara bilərəm və iki məşhur brendin təlimçilərindən birinə çevrilərəm.
Əlaqə nömrəsi: (050) 287 37 30