Psixoloq, cütlük və ailə terapisti Cəmilə Hacıyeva: "İnsanların həyatına sağlam və peşəkarcasına toxunmaq əsas iş prinsipimdir"
- Cəmilə xanım, necə oldu ki, bu sahəyə gəldiniz?
- Uşaqlıqdan insanları dinləməyi,anlamağı,dəstək olmağı çox sevirdim.Ona görə də psixoloq olmaq qərarına gəldim.Bakalavr və Magistr Təhsilimi Moskva Dövlət Universitetində almışam.
Bakalavr Təhsilim Psixologiya və Konfliktologiya ,magistr təhsilim isə Klinik Psixologiya üzrədir.Təhsil aldığım sürəcdə çox sayda psixoloji təlimlərə qatılmış,bu işdə peşəkarlardan özəl dərslər alaraq,öz üzərimdə daima çalışmışam.
- Artıq neçə ildir ki, bu sahədəsiniz?
- Altı ildən çoxdur ki, bu sahədə çalışıram.
- Hansı yaş qrupuna aid insanlarla çalışırsınız?
- Yetkin insanlarla, cütlüklər və ailələrlə çalışıram.
- Öz sahəniz üzrə hansı işləri icra edirsiniz?
- Mən keçdiyim bütün seanslar da psixoterapevtik terapiyalar tətbiq edirəm.
- Beynəlxalq konfranslarda iştirak edirsinizmi?
- Bəli, konfranslarda, təlimlərdə mütəmadi olaraq iştirak edirəm. Çünki psixologiya sürətlə yenilənir. Mən də bu yenilikləri təqib və tətbiq etməyə çalışıram.
- İş prinsipinin nədən ibarətdir?
- Biz insanların həyatına toxunuruq. Onların qərarlarına və seçimlərinə müdaxilə etmirik. Biz sadəcə onlar üçün bir "ayna" rolunu oynayırıq. İnsanların özləri ilə üzləşməkdə onlara yardımçı oluruq ki, bu da onlarda böyük dəyişikliyə səbəb olur. Mənim əsas iş prinsipim insanların həyatına sağlam və peşəkarcasına toxunmaq və psixoloji dəstək göstərməkdir.
- Son zamanlarda sizə daha çox nə ilə bağlı müraciət olunur?
- Daha çox özgüvənsizlik, panik-atak, depressiya və s. problemlər müraciət olunur.Bunların da bir çoxu uşaqlıqda yaşanan travmalarla bağlı olur.
- Xarakter olaraq necə birisiniz?
- Çox pozitiv biriyəm. Əylənməyi çox sevirəm. Kitab oxumaq, səyahətə çıxmaq,boş zamanlarımda iş sahəmlə bağlı seminarlara qatılmaq hobbilərimdəndir.
- Ailəlisinizmi?
- Bəli, ailəliyəm.
- Bir psixoloq olaraq nəyə "yox" deyirsiniz?
- Bəzən elə bilirlər ki, bizim əlimizdə "sehirli çubuq" var. Qısa zamanda yüksək nəticələr gözləyirlər. Buna "yox" deyirəm.
- Oxuculara nə məsləhət görürsünüz?
- Həyat sadəcə düz xəttdən ibarət deyil. Bəzən enişli-yoxuşlu zamanlar olur.Çünki üzüntünü görməsək xoşbəxtliyi, acını görməsək sevinci, göz yaşını görməsək gülüşün anlamını dərk edə bilmərik. Ona görə də, endiyimiz zaman qalxmağı bacarmalıyıq.Önəmli olan yaşadığımız hadisələrdən nəticə çıxartmağı bacarmalıyıq.
- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.
- Ağlıma gəlməzdiki bu sahədə savadsız kadrlar daha çox yer alar. Başqa ixtisasda təhsil almış özünü psixoloq olaraq adlandıran çox sayda insanlar gördüm.Və ya 3 ay kurs keçərək mən psixoloqam deyənləridə həmçinin. Amma bu işdə peşəkarlıq önəmlidir. Biz buna yönəlməliyik.
Əlaqə nömrəsi: (070) 319 45 76