- Nərgiz xanım, nəcə oldu ki, bu sahəyə gəldiniz?

- Xarici dilləri öyrənməyə çox əvvəldən meylim var idi. Nəinki ingilis dilini ərəb, fars, rus dillərinə də müəyyən dərəcə də maraq salmış və öyrənmişəm. Humanitar sahələri sevirəm , xüsusilədə müəllimliyi. Biz öyrədərək öyrənənlərik.

- Neçə ildir ki, bu sahədəsiniz?

- Artıq 3 ildir ki, bu sahədəyəm və bu illər ərzində cəmiyyətdə öz yerimi tutmağa çalışıram. Çalışıram ki, hər dediyim insanlara inam versin və məni peşakar biri olaraq qəbul etmələrinə kömək etsin. İşimə olan böyük sevgim və dürüst yanaşma bunun təməlində dayanır.

- Öz sahəniz üzrə hansi işləri icra edirsiniz?


- Seminarlar keçirəm, araşdırmalar aparıram. İngilis dili müəllimi olaraq tələbələrimi real həyatda ingilis dilini istifadə etməyə təşviq edirəm,onların hər birinə individual və peşəkar yanaşıram. Bu yanaşma sayəsində onlar xarici dildə komplekssiz şəkildə xarici dildə danışmaq, yazmaq, oxumaq və dinləmək bacarıqlarına yiyələnirlər.

- İş prinsipiniz nədən ibarətdir?


- Əsas prinsip displin, peşəkarlıq,etika və keyfiyyətdir. Mənim üçün cəmiyyətə layiqli şəxsiyyətlər yetişdirmək hər şeydən önəmlidir.

- Bir mütəxəsis olaraq nəyə "yox" deyirsiniz?

- Bir mütəxəssis olaraq mən, cəmiyyətdə qız övladlarının təhsildən uzaq qalmasına, erkən yaşda evləndirilməsinə və gənclərin məqsədsiz bir həyat tərzi sürməsinə qəti şəkildə qarşıyam. Qızların təhsildən məhrum edilməsi, onların potensiallarını məhdudlaşdırır və cəmiyyətin ümumi inkişafına mənfi təsir göstərir. Erkən evlilik isə psixoloji və sosial problemlərə yol açaraq, gənclərin gələcəkdə daha sağlam qərarlar qəbul etməsinə mane olur.

- Son zamanlarda size saha çox nə ilə bağlı müraciətlər olur?

- Tələbələrim ingilis dilini praktiki istifadə etmək yolları barədə məsləhətlər istəyirlər. Xüsusilə qrammatika, dinləmə və danışıq bacarıqlarını inkişaf etdirmək üçün resurslar haqqında suallar alıram.

- Xarakter olaraq nəcə birisiniz?

- Mən yaradıcı biriyəm və incəsənət mənə ilham verir. Həyata spontan yanaşmağı sevirəm və bəzən ani qərarlar verməkdən çəkinmirəm, amma bunun da öz maraqlı tərəfləri var. İnsanlarla tez dost olmaq xarakterimdədir, amma bu xüsusiyyətin bəzən mənə çətinliklər də yaratdığını qəbul edirəm. Oxumaq, çalışmaq və işləmək mənim üçün həyatın ayrılmaz hissəsidir; uğur qazanmaq isə əsas prinsipimdir.

- Ailəlisinizmi?

- Xeyr, ailəli deyiləm. Hazırda diqqətimi karyerama və şəxsi inkişafıma yönəltmişəm.

- Oxuculara nə məsləhət görərsiniz?

- Özünüzə inanın, daima öyrənin,əzmli olun. Pozitiv düşüncə ilə yaşamağa çalışın. Həyat sevginizi əsla itirməyin.

- Mən bu sahəyə gələrək ağlıma gəlməzdi ki,.. Bu fikri özünüz tamamlayın, zəhmət olmasa.

- Mən bu sahəyə gələrkən ağlıma gəlməzdi ki, bir gün Azərbaycanın hər bölgəsindən məni tanıyan, sevən tələbələrim olacaq. Bu yola çıxanda bilməzdim ki, bu qədər güclü və uğurlu olmağı təkbaşına bacaracağam.

Əlaqə nömrəsi: (055) 688 86 46скачать dle 10.6фильмы бесплатно