- Aliyə xanım, necə oldu ki, bu sahəyə gəldiniz?
- Mən uşaq olanda böyüdükdə jurnalist olmaq istəyirdim. Lakin atam icazə vermədi. Ata-anamın müəllim olmağımda çox rolları olub. Valideynlərim hər ikisi bu peşənin sahibləridir.
- Neçə ildir ki, bu sahədəsiniz?
- 2005-ci ildə universitetin bakalavr pilləsini bitirən kimi 311 saylı orta məktəbdə fəaliyyəta başlamışam. Magistr pilləsini də işləyə-işləyə bitirmişəm. Məktəblə paralel doqquz il Xəzər universitetində də ingilis dili müəllimi kimi işləmişəm. Hal-hazırda da 311 saylı məktəbdə çalışıram. Artıq on doqquz ildir ki, bu sahədə fəaliyyət göstərirəm.
- İş prinsipiniz nədən ibarətdir?
- Yeniliklərdən xəbərdar olmağa çalışıram. Şagirdlərimi də irəli aparmaq niyyətindəyəm.
- Öz sahəniz üzrə hansı hansı işləri icra edirsiniz?
- Hər zaman müxtəlif kurslara, təqdimatlara qatılıram və orada öyrəndiklərimi şagirdlərimlə praktikadan keçirirəm.
- Son zamanlarda sizə daha çox nə ilə bağlı müraciətlər olur?
- Ən çox uşağımla bacarmıram, siz oxudun kimi müraciətlər alıram.
- Bir mütəxəssis olaraq nəyə "yox" deyirsiniz?
- Valideynlərin uşaqların yanında müəllimi pisləməyinə, müəllimi deyil, uşaqları hər hansı bir səhv hərəkətlərində haqlı çıxartmaq istəməkləri məni çox narahat edir. Valideyn bilməlidir ki, hər hansı bir tənqid müəllim tərəfindən olunsa, bu onun övladının xeyri, yaxşılığı, gələcəyi üçündür.
- Xarakter olaraq necə birisiniz?
- Dərs zamanı, həm ciddi, həm gülərüz, həm sərt, həm də əyləncəli biriyəm. Bu da sinifdən asılı olaraq dəyişir (gülür).
- Ailəlisinizmi?
- Bəli, ailəliyəm. Bir qız olvaldım var.
- Oxuculara nə məsləhət görürsünüz?
- Müəllim nüfuzunu hər zaman uca tutsunlar. Azərbaycanımızın qurucusu, dəyərli Heydər Əliyev demişkən, "Mən müəllim adından uca ad tanımıram".
- Mən bu sahəyə gələrkən ağlıma gəlməzdi ki,..Bu fikri özünüz tamamlayın, zəhmət olmasa.
- Mən bu sahəyə gələrkən heç düşünməzdim ki, başqalarının övladlarını öz övladım kimi sevə bilərəm. Bütün şagirdlərimi sevirəm. Hər biri mənim üçün bir fərqli cür dəyərlidir.

Əlaqə nömrəsi: (050) 499 99 13