- Yaqut xanım, necə oldu ki, bu sahəyə gəldiniz?
- Əslində həkim olmaq, nənəmin arzusunu çin etmək istəyirdim. Amma qismətim müəllim olmaq imiş. İndi deyirəm ki, nə yaxşı ki, elə müəllim olmuşam. Və müəllim olmaqla, neçə neçə şagirdlərimin həkim olmağına səbəb olmuşam.
- Artıq neçə ildir ki, bu sahədə çalışırsınız?
- Artıq 22 ildir ki, bu şərəfli peşədə çalışıram. Hal-hazırda Quba səhər A.Məmmədov adına 2 Nli məktəb-liseydə fəaliyyətimi davam etdirirəm.
- Öz sahəniz üzrə hansı işləri görürsünüz?
- Tədris etdiyim fənnlər təbiət fənləri - kimya və biologiya olduğuna görə təbiətlə sıx təmasda oluram və bunu şagirdlərimə də aşılayıram, onlara təbiəti sevdirirəm. Biologiya dərslərimdə canlıları yaxından tanımaları üçün təbiəti dörd divar arasına gətirməyi sevirəm. Təcrübələr apararaq əyani olaraq dərslərimi reallaşdırıram. Bu da şagirdlərdə çox boyük marağa səbəb olur. Hətta şagirdlərimin dilindən "Müəllimə, mən də sizin kimi müəllim olacağam "sözlərini eşidəndə, daha da ruhlanıram. İstər 5-ci sinif olsun, istərsə də 11-ci sinif , həmin sinfə girəndə mən özümü onlarla eyni yaşda hiss edirəm. Bu da mənim ruhən daima cavan qalmağıma səbəb olur. Həm də dərsdənkənar, ictimai tədbirlər keçirərək, şagırdlərin də bu sahədə fəallıq etmələrinə təşəbbüs göstərirəm
- Bir mütəxəssis olaraq nəyə "yox", deyirsiniz?
- Məcburiyyətə yox deyirəm. Heç kimi nəyisə eləməyə məcbur etməyək, könüllülüyə, azadlığa "Hə" deyək !
- Xarakter olaraq necə birisiniz?
- Çox şən, pozitiv, gələcəyə inamla baxan, gəzməyi, əylənməyi , bir sözlə ağlıma qoyduğumu həyata keçirən biriyəm .
- Ailəlisinizmi?
- Bəli ,ailəliyəm. 3 övladım var.
- Oxuculara nə məsləhət görürsünüz?
- Oxuculara mənim kimi şən olmağı,həyatı sevməyi, hər günə pozitiv, gülərüzlə başlamağı məsləhət görürəm. Və bir də fikirləşsinlər ki, bu gün onların özlərinə problem etdikləri mövzular bir neçə il sonra onlara adi gələcək. Ona gorə heç nəyi dərd edərək problemə çevirməsinlər. Həyatı axışına buraxmaq lazımdır. Hər gününüzü həyatınızın son günü imiş kimi düsünərək yaşayın.
- Asudə vaxtlarınızda nə ilə məşğul olursunuz ?
- Mən həm də 7 illik musiqi məktəbini bitirmişəm. Pianinoda ifa etməyi çox sevirəm. Ən çox da Azərbaycan musiqilərini ifa etməyi xoşlayıram .
- Mən bu işi seçərkən ağlıma gəlməzdi ki,..Bu fikri özünüz tamamlayın, zəhmət olmasa.
- Nəinki uşaqların və iş yoldaşlarımın ,hətta valideynlərimin belə sevimlisinə çevriləcəyəm. Peşəmə bu qədər bağlanacağam.