- Sevinc xanım, necə oldu ki, bu sahəyə gəldiniz?

- Mən uşaq yaşlarımdan hər zaman müəllimliyi sevmişəm, öyrənməyi öyrətməyi sevmişəm. Uşaqlıqdan hər zaman ən böyük arzum “İbtidai sinif müəllimi” olmaq olub. Və bununla yanaşı idarəçilikdə hər zaman marağımı çəkib.

- Neçə ildir ki, bu sahədəsiniz

- Kurs rəhbəri olaraq ikinci ildir ki, bu sahədə çalışıram. Ancaq daha öncədən də uzun illər bu sahədə yetəri qədər təcrübəm var.

- Öz sahəniz üzrə hansı işləri icra edirsiniz?

- Tədris mərkəzimi böyütmək üçün tanınmaq, nümunəvi kurs olmaq üçün və ən əsası nəticələrimizin yüksək olması üçün dayanmadan çalışıram. Daim yeniliklər, yeni yollar axtarışındayam. Valideynlərə, uşaqlara daha yaxşısını təqdim etmək üçün yeniliklərin ardınca gedirəm hər zaman.

- Son zamanlarda sizə daha çox nə ilə bağlı müraciətlər olur?

- Bizdə tədris mərkəzi olduğu üçün hazırlıqlarla bağlı daha çox müraciət olur. Və bununla yanaşı psixoloq, loqoped və s. üçün də müraciətlər olur.

- Bir mütəxəssis olaraq nəyə "yox" deyirsiniz?

- Necə olur olsun, mən şagirdin dərsdə vəziyyəti ilə bağlı valideynə düzgün məlumat verilməyinin tərəfdarıyam. Pul qazanmaq xatirinə valideynə şagirdin dərsləri haqda yaxşıdı deyib yola verməyə qəti şəkildə “yox” deyirəm.

- Xarakter olaraq necə birisiniz?

- Çalışqanam. Əzmliyəm. Məqsədlərim üçün çalışmaqdan yorulmuram. İşimdən məsuliyyətlərimdən bezmirəm. İşimə heç zaman səhlənkar yanaşmıram. Və nə olur olsun, hər zaman vicdanımla yaşayıram, vicdanımla işləyirəm. Qərarlarımı da vicdanımla verirəm hər zaman.

- Ailəlisinzimi?

- Bəli, ailəliyəm. 16 yaşında qızım, 14 yaşında isə oğlum var.

- Oxuculara nə məsləhət görürsünüz?

- Daha çox qadınlara olacaq məsləhətim. Çox çalışın, məqsədləriniz üçün, xəyallarınız üçün çox çalışın. Yıxılmaqdan qorxmayın. Yenidən başlamaqdan qorxmayın. Özünüz üçün gələcəyiniz üçün daha sonra peşman olmamaq üçün həyatınızda bir dəfə belə olsa cəhd edin.

- Mən bu sahəyə gələrək ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, qısa zamanda bu qədər sevilərik, tanınarıq. Etibar, inam qazanarıq. Amma ən əsası odur ki, biz bu inamı, etibarı, bu nəaliyyətləri qazanmaq üçün "Dahilər" kollektivi olaraq çox çalışırıq!..

Əlaqə nömrəsi: (010) 524 74 78

Instagram: dahiler_tedris_merkezi