- Necə oldu ki, bu sahəyə gəldiniz?

- Elə uşaqlıqdan həkimlik peşəsinə marağım olub. Dəstəkçim isə anam olub. O, uzun müddət tibb bacısı işləyib. Məni həkim kimi görmək onun da arzusu olub.

- Neçə ildir ki, bu sahədəsiniz?

- 2006-cı ildən bu sahədə çalışıram.

- Öz sahəniz üzrə hansı işləri icra edirsiniz?

- Mən Doğum şöbəsində yenidoğulmuşların həkimiyəm . Çətin və ya xəstə doğulmuş uşaqlara yardım etmək, onları canlandırmaq, sonrakı adaptasiyasını bərpa etmək, ümumiyyətlə, analara sağlam uşaq bəxş etmək mənim amalımdı.

- İş prinsipiniz nədən ibarətdir?

- Valideyn məmnunluğu görəndə özümü xoşbəxt hiss edirəm. Bunun üçün də gəcə-gündüz çalışıram.

- Bir həkim olaraq nəyin əleyhinəsiniz?

- Son zamanlar uşaqlara yerli - yersiz dərman preparatları təyin olunur. Mən bunun tam əleyhinəyəm. Yaxşı olardı ki, bir çox həkimlər buna fikir versinlər.           

- Xarakter olaraq necə birisiniz?

- Xaraktercə sakit təbiətli bir insanam.

- Ailəlisinzimi?

- Bəli, ailəliyəm. Üç övladım var.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Bu işi seçərkən ağlıma da gəlməzdi ki, bu işin çətin, gecəsi - gündüzü olmayan ağır tərəfləri var. Hər şeyə rəğmən mən öz peşəmi sevirəm. Yaxşı ki, mən neonatoloqam.