- Aytən xanım, necə oldu ki, bu sahəyə gəldiniz?

- Uşaq vaxtından bu sahəyə marağım olub. Düzdür, evden razı olmasalar da, qohumda-tanışda, qonşuluqdakı xanımlar saçlarına əl gəzdirmək üçün mənə müraciət edirdilər. Özüm tibb məktəbini bitirmişəm. Amma bu peşə məni özünə çəkdiyinə görə bu sahəyə gəldim.

- Neçə ildir ki, bu sahədəsiniz?

- Artıq 22 ildir ki, bu sahədə fəaliyyət göstərirəm.

- Öz sahənizi üzrə hansı işləri icra edirsiniz?

- Daha çox saç kəsimlərini icra edirəm.

- Xanımlar son zamanlarda sizə daha çox nə ilə bağlı müraciətlər edirlər?

- Müraciətlər fəsillərə görə dəyişir. Yay aylarında daha çox açıq saçlar istəyirlər. Hal-hazırda isə düz saçlara tələbat daha çoxdur.

- İş prinsipiniz nədən ibarətdir?

- İşim düzgün yerinə yetirmək əsas iş prinsipimdir.

- Tələbələrimiz varmı?

- Bəli, var. Onlar özləri də indi sərbəst şəkildə işləyirlər.

- Bir mütəxəssis olaraq nəyə "yox" deyirsiniz?

- Müştəriləri aldatmağa qəti surətdə "yox" deyirəm.

- Xarakter olaraq necə birisiniz?

- Lazım olanda sərt, lazım olduqda isə mülayim ola bilirəm.

- Əvvəlki illərə nisbətən bu sahədə indi hansı dəyişiklikləri müşahidə edirsiniz?

- İndi ustalar daha çox kimyəvi maddələrlə işləyirlər.

- Xanımlara nə məsləhət görürsünüz?

- Öz xanımlıqlarını qorusunlar. Öz gözəlliklərinin qeydinə qalsınlar. Bir də ki, hər kəslə öz dilində danışmağı bacarsınlar.

- Mən bu peşəni seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma nə gəlirdisə, o da başıma gəldi. Bir gün bu sahədə uğur əldə edəcəyimə inanırdım.

Əlaqə nömrəsi: (055) 248 87 20