Kliniki diyetoloq Leyla Nur: "Sağlam olmayan üsullarla çəki atmağın əleyhinəyəm"
- Leyla xanım, necə oldu ki, bu sahəyə gəldiniz?
- Hər zaman qidanın həyatımızda göründüyü qədər sadə rolu olmadığını düşünmüşəm. Biraz araşdırmalar etdikdən sonra həqiqətən də qənaətimdə yanılmadığımı gördüm. Bu işlə professional səviyyədə məşğul ola bilmək üçün Andop akademiyasında nutrisiologiya və dietologiya ixtisasına yiyələndim. Bundan əlavə işimin inkişafı üçün bir neçə başqa tədris müəssisələrində "Holistik bəslənmə" və "Yaşam koçu" təhsili də almışam.
- Artıq neçə ildir ki, bu sahədə çalışırsınız?
- Üç ildir ki, bu sahədə fəaliyyət göstərirəm.
- Öz sahəniz üzrə hansı işləri görürsünüz?
- Mənə müraciət edən pasientlərin sağlamlıq problemlərinə uyğun olaraq qidalanma proqramları tərtib edirəm. Onların qidalanmada yol verdiyi yanlışları korreksiya edib , saglam qidalanma prinsiplərini öyrədirəm
- İş prinsipniz neden ibarətdir?
- İş prinsipim təkcə xarici görünüş , gözəllik xatirininə kiloalma və ya kilovermə yox, sağlamlıq naminə qidalanmanın və həyat tərzi dəyişikliklərinin əhəmiyyətini insanlara çatdırmaqdır.
- Hansı yaş qrupuna aid insanlarla çalışırsınız?
- Hər yaş qrupundan insanlarla çalışıram. Əsas müraciət edənlər isə 25-35 yaş arası gənc xanımlardır.
- Son zamanlarda sizə daha çox nə ilə bağlı müraciətlər olur?
- Ən çox kilo vermək istəyən və piylənməsinin səbəbini tapa bilməyən pasientler müraciət edirlər
- Bir mütəxəsiss olaraq nəyə "yox", deyirsiniz?
- Bir mütəxəssis olaraq qısa və asan yolla istəyinə nail olmaq üçün qeyri-düzgun və sağlam olmayan üsullarla çəki atmağın çalışanlara "yox" deyirəm.
- İşinizin ən çətin tərəfi nədir?
- İşimin ən çətin tərəfi insanların beynində qəlibləşmiş, illərlə streotip halına gəlmiş doğru bildiyi yanlışları dəyişdirməkdir.
- Oxuculara nə məsləhət görürsünüz?
- Hippokratın "qidamız dərmanımız, dərmanımız qidamızdır" sözlərini əsas götürərək qidalanmanın gücünü xəfifə almamalarını və sağlamlıqlarını mütəxəssislərə əmanət etmələrini tövsiyyə edirəm.
- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.
- Mən bu işi seçərkən yanlış qidalanmanın bu qədər çox xəstəliklərə səbəb ola biləcəyi və təkcə bəslənməni dəyişməklə bir çox xəstəliklərin qarşısını almağa nail ola biləcəyimiz ağlıma gəlməzdi.
İnstagram hesabı : Dietoloq.leyla.nur_
Tiktok : diyetoloqleylanur
Whatsapp : (055) 749 56 69