Uzm. Pediatr Leyla Allahverdiyeva: "Bu sahəni bu qədər çox sevəcəyim ağlıma gəlməzdi"
- Leyla xanım, necə oldu ki, həkim oldunuz?
- Dörd-beş yaşımdan etibarən ətrafımdakı bütün insanlar məni həkim olmağa sövq etdilər. Valideynlərim də mənə "həkim qızım" deyə müraciət edirdilər. Bu da mənim yaddaşımda qalmışdı. Ona görə də qərar verdim ki, böyüyəndə həkim olacağam. Nə yaxşı ki, həkim oldum. İşimi çox sevirəm. İndi də düşünürəm ki, uşaqlıqda mənə deyilən həmin sözlərin həyatımda çox böyük rolu olub.
- Artıq neçə ildir ki, bu sahədə çalışırsınız?
- Artıq on üç ildir ki, bu sahədə fəaliyyət göstərirəm.
- Öz sahəniz üzrə hansı işləri görürsünüz?
-On səkkiz yaşına qədər olan bütün uşaqların müayinəsi və müalicəsi ilə məşğul oluram.
- Son zamanlarda sizə daha çox nə ilə bağlı müraciətlər olur?
- Son iki-üç ayda geniş yayılan virus infeksiyası və uşaqlarda pandemiyadan sonra vitamin çatışmazlığı ilə bağlı müraciətlər daha çox olur.
- Bir həkim olaraq nəyə "yox" deyirsiniz?
- Valideynlərin həkim məsləhəti olmadan uşaqlarına hansısa bir dərman preparatını verməsinə və uşaqların qidalanmasına laqeyd yanaşmasına qəti surətdə "yox" deyirəm.
- Xarakter olaraq necə birisiniz?
- Deyilənə görə, kənardan sərt biri kimi görünürəm. Amma əslində çox mülayim və səmimi biriyəm.
- Ailəlisinizmi?
- Bəli, ailəliyəm. Bir oğlum var.
- Oxuculara nə məsləhət görürsünüz?
- Qida və yuxu rejimlərinə düzgün riayət etsinlər. Xəstələnməmidən öncə həkim müayinəsindən keçsinlər. Çünki vaxtında olunan müayinə və müalicə gələcəkdə yarana biləcək fəsadların qarşısının alınması deməkdir.
- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.
- Ağlıma gəlməzdi ki, mən pediatr olacağam. Çünki həmişə cərrah olmaq istəmişəm. Amma universitetə qəbul olduqdan və bu işin dərinliklərinə daxil olduqdan sonra pediatriyanı çox sevdiyimin fərqinə vardım. Yaxşı ki, pediatr olmuşam. Bu sahəni bu qədər çox sevəcəyim ağlıma gəlməzdi.
Əlaqə nömrəsi: (050) 832 35 36
