– Samirə xanım, necə oldu ki, bu sahəyə gəldiniz?

– Mən Tibb Universitetini bitirdikdən sonra bir müddət poliklinkada işlədim. Daha sonra kosmetologiya sahəsinə marağım yarandı və bu sahəyə gəldim.

– Artıq neçə ildir ki, bu sahədə fəaliyyət göstərirsiniz?

– Yeddi ildən çoxdur.

– Bu yeddi il ərzində nə müşahidə etdiniz?

– Xanımları daha müasir üsullarla və vasitələrlə gözəlləşdirməyin mümkün olduğunu müşahidə etdim.

– Son zamanlarda xanımlar sizə daha çox nə ilə bağlə müraciət edirlər?

– Daha çox əməliyyatsız burun korreksiyası, alında və gözətrafında olan qırışlar, dəridə olan çapıqlar, üz ovalının kəskinləşdirilməsi və s. ilə bağlı müraciətlər olur.

– Bütün kosmetoloji prosedurları icra edirsiniz?

– Demək olar ki, edirəm. Lakin hər bir kosmetoloqun öz cığırı var. Mən daha çox kontur-plastika ilə məşğul oluram.

– Bədən dolğuları da edirsinizmi?

– Hələ ki, etmirəm. Amma yaxın zamanlarda bədən dolğuları da icra edəcəyəm.

– Bir kosmetoloq olaraq nəyin əleyhinəsiniz?

– Süni dolğuların və xanımların müəyyən prosedurlardan həddindən artıq istifadə etməklərinin əleyhinəyəm. Hər bir sima individualdır. Təbiiliyi qorumağın tərəfdarıyam.

– Tələbələriniz varmı?

– Bəli, tələbələrim olub.

– Beynəlxalq konfranslarda iştirak edirsinizmi?

– Bəli, bacardığım qədər çox iştirak edirəm. Çünki konfranslar bizim maariflənməyimiz üçün çox önəmlidir.

– Son zamanlar kosmetoloqların sayı çoxalmaqdadır. Amma həkim olmayan “kosmetoloq”lar da var. Bu məsələyə münasibətiniz necədir?

– Mən çox istərdim ki, bu məsələyə bir tədbir görsünlər. Çünki həkim olmayan “kosmetoloq”ların etdikləri yalnışları biz düzəltmək məcburiyyətində qalırıq.

– Xanımlara nə məsləhət görürsünüz?

– Məsləhət görürəm ki, öz individuallıqlarını qorusunlar. Onda daha gözəl olacaqlar. Ən əsası, kosmetoloqa vaxtında müraciət etsinlər.

Əlaqə: (055) 3800408