Tanınmış aktyor və aparıcı vəfat edib
"Tək səbir" layihəsindəki çıxışları ilə tanınan aktyor və aparıcı Ramiz Hüseynzadə vəfat edib.
İkin məlumata əsasən, aktyorun ölümünə beyin insultu səbəb olub.
Ramiz Hüseynzadə 1979-cu il sentyabrın 8-də Bakıda anadan olub.
Ramiz, müxtəlif televiziya kanallarında müəllif, aparıcı və prodüser olaraq çalışıb. “Taksi” verilişinin prodüseri, “Tək səbir” verilişinin baş prodüseri, “Arı şou” verilişinin yaradıcısı və aparıcısı olub. 2008-ci ildən “ARI Production”ın təsisçisi və rəhbəri kimi fəaliyyət göstərib.
İstedadı ilə tanınan R.Hüseynzadə bir sıra sevilən filmlərin ssenaristi olub. Həmin filmlərdə aktyor kimi də iştirak edib və xüsusi bacarığı ilə seçilib.
Onun filmoqrafiyası aşağıdakı kimidir:
Toy (II) (2005, tammetrajlı bədii film) – ssenari müəllifi, aktyor (Ramiz)
Hippokrat andı (2014, bədii serial) – aktyor
Yumurta (II) (2015, tammetrajlı bədii film) – ssenari müəllifi
Hozu (2017, tammetrajlı bədii film) – ssenari müəllifi, aktyor (Ramiz)
Samedik (2017, tammetrajlı bədii film) – baş prodüser, ssenari müəllifi, aktyor
Toydan sonra nağara (2017, tammetrajlı bədii film) – ssenari müəllifi, baş prodüser.