“ASK Şüşə” MMC ilin sonunadək Gürcüstana 2 mln. 600 min ədəd şüşə tara ixrac edəcək

“ASK Şüşə” MMC ilin sonunadək Gürcüstana 2 mln. 600 min ədəd şüşə tara ixrac edəcək

“Azərbaycan Sənaye Korporasiyası” ASC-nin törəmə müəssisəsi olan “ASK Şüşə” MMC ölkənin qeyri-neft sektorunun inkişafı üçün əhəmiyyət kəsb edən əməkdaşlığa başlayıb.

ASC-dən verilən məlumata görə, ixrac potensialının genişləndirilməsi, məhsulların yeni bazarlara çıxarılması məqsədi ilə, Gürcüstan Respublikasında fəaliyyət göstərən “Coca-Cola Bottlers Georgia” JSC şirkəti ilə müqavilə imzalayıb. Bağlanmış müqaviləyə əsasən, “ASK Şüşə” MMC cari ilin sonunadək həmin şirkətə “Coca-Cola” və “Fanta” içkilərinin qablaşdırılması üçün 2 mln 600 min ədəd şüşə tara ixrac edəcək. Razılaşmaya əsasən, 2020-ci il üçün daha böyük həcmli (ilkin sifariş proqnozu 10-20 mln ədəd) şüşə taranın istehsalına dair müqavilənin bağlanması nəzərdə tutulur.

Hazırda müəssisədə istehsal olunan məhsulların keyfiyyətinin yüksəldilməsi üzrə kompleks tədbirlər həyata keçirilir. Bu tədbirlər çərçivəsində məhsul istehsalında istifadə olunan xammalın keyfiyyəti “ASK Şüşə” MMC-nin texniki nəzarət laboratoriyasında yoxlandıqdan sonra Gürcüstana göndərilib və orada bütün lazımi sınaqlardan uğurla keçib. Son mərhələdə isə xammalın fiziki-kimyəvi göstəriciləri İtaliyada yoxlanılaraq, dünya standartlarına cavab verməsi təsdiqlənib.

Google+ Linkedin

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*