ASAN məktub və GoldenPay-in növbəti xeyriyyə məqsədli əməkdaşlığı baş tutdu

ASAN məktub və GoldenPay-in növbəti xeyriyyə məqsədli əməkdaşlığı baş tutdu

GoldenPay şirkəti hər zaman sosial məsuliyyətli və xeyriyyə məqsədli layihələrə dəstək olur, mümkün reklam kanalları vasitəsi ilə işıqlandırmağa çalışır. Həm təhsillə bağlı, həm də ictimai mövzulara həssas reaksiya göstərərək bu mövzularda da, onlayn ödəmə şirkətləri arasında lider olduğunu bir daha sübut etmiş olur. GoldenPay/Hesab.az və ASAN məktub-un növbəti xeyriyyə məqsədli əməkdaşlığı baş tutdu.

Uşaqları sevindirmək və onların arzularını reallaşdırmaq məqsədilə GoldenPay / Hesab.az əməkdaşlarının təşəbbüsü ilə “Ümid Yeri” Uşaq Sığınacağı Xeyriyyə Cəmiyyətinin uşaqlarından gələn 53 məktub öhdəliyə götürülüb və hədiyyələri alınmışdı.

GoldenPay / Hesab.az rəhbərliyinin və ASAN Məktub əməkdaşlarının iştirakı ilə sığınacağın balaca sakinləri hədiyyələrinə qovuşdular. Hədiyyələrinə qovuşan balaca uşaqların sevincinin həddi-hüdudu yox idi.

GoldenPay şirkətinin İdarə Heyətinin Sədri Naina Mehdiyeva bildirib ki, uşaqların üzlərindəki sevinci görmək və onların gülüşünə səbəb olmaq dünyanın ən qiymətli hissidir. Belə təmiz qəlbli uşaqlar Azərbaycanın gələcəyidir. Gələcəyimizin bu sahədə irəli getməsi üçün GoldenPay komandası olaraq əlimizdən gələni edəcəyik.

Azərbaycanda ən böyük onlayn ödəmələr şirkəti GoldenPay 2007-ci ilin iyul ayında yaradılıb. Şirkət texniki işlərin yekunlaşması, “Visa” və “MasterCard” beynəlxalq ödəniş sistemlərindən müvafiq sertifikatların alınmasından sonra 2008-ci ilin dekabr ayında fəaliyyətə başlayıb.

2011-ci ilin aprel ayında GoldenPay şirkəti Hesab.az – Azərbaycanın ən böyük onlayn xidmətlər platformasını yaradıb. Hesab.az-da müxtəlif kommunal, stasionar və mobil rabitə, internet, bank kreditlərinin ödənişi, onlayn sığorta, kinoteatra bilet və sair xidmətlərin alışı /ödənişi mümkündür.

Google+ Linkedin

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*