Maşınlarla bağlı bu xidmət artıq elektronlaşdırılıb - Rəsmi
Avtomobillərə Avro-4 standartı verilməsi prosesi artıq elektronlaşdırılıb. Gələcəkdə minik avtomobillərinin də bəyan etdirilməsini elektron qaydada tətbiq etməyi düşünürük. Vacib deyil ki, avtomobil gömrük məntəqəsinə gətirilsin. Bunun da üzərində iş aparılır.
Bunu Dövlət Gömrük Komitəinin (DGK) sədri vəzifəsini müvəqqəti icra edən Şahin Bağırov Milli Məclisin İqtisadi siyasət, sənaye və sahibkarlıq komitənin bu gün keçirilən iclasında Gömrük Məcəlləsində dəyişikliklərin müzakirəsi zamanı deyib.
O əlavə edib ki, gömrük üzrə ekspertizanın elektron qaydada aparılmasına başlanılıb.
“Ekspertizaya göndərilən malların rəyi onlayn veriləcək. Bu qayda gömrük prosedurunu asanlaşdıracaq”, - deyə o qeyd edib.