Rusiya taxıl sazişinin müzakirəsinə bu halda qayıda bilər - Zaxarovadan açıqlama
Tarix: 19-07-2023, 12:51 |
Rusiya taxıl sazişinin müzakirəsinə qayıtmaq üçün şərtlərini açıqlayıb.
Bu barədə Rusiya Xarici İşlər Nazirliyinin rəsmi nümayəndəsi Mariya Zaxarova qeyd edib.
"BMT Rusiya ilə taxıl və gübrələrə dair memorandumu yerinə yetirərsə, Rusiya taxıl sazişinin müzakirəsinə qayıda bilər. Memorandumu həyata keçirmək üçün BMT-nin daha üç ay vaxtı var. Yalnız bu halda Moskva sövdələşməni nəzərdən keçirməyə qayıdacaq", - deyə M.Zaxarova əlavə edib.
Xatırladaq ki, Rusiya 17 iyul tarixində taxıl sazişinə xitam verib. Rusiya XİN taxıl sazişinin dayandırılması ilə bağlı Ankara, Kiyev və BMT katibliyini rəsmən məlumatlandırıb.